Монголын Шагайн Харвааны Холбоо нь анх 1991 онд Үндэсний Шагайн Харвааны Улсын аварга шалгаруулах тэмцээнийг зохион байгуулж эхэлснээс хойш энэ жил 31 дэх удаагийн тэмцээнээ 2021 оны 12 дугаар сарын 03-05-ны өдрүүдэд Улаанбаатар хот, Баянгол дүүрэгт байрлах Мидвэй Эвент төвд амжилттай зохион байгууллаа.
Энэ удаагийн Улсын аварга шалгаруулах тэмцээнд Улаанбаатар хотын 9 дүүргээс 29, Дорноговь аймгийн 16, Хэнтий аймгийн 13, Төв аймгийн 11, Өмнөговь аймгийн 10, Сэлэнгэ аймгийн 10, Архангай аймгийн 7, Өвөрхангай аймгийн 7, Хөвсгөл аймгийн 6, Баянхонгор аймгийн 5, Дундговь аймгийн 5, Орхон аймгийн 4, Говьсүмбэр аймгийн 3, Сүхбаатар аймгийн 4, Булган аймгийн 3, Завхан аймгийн 3, Дархан-Уул аймгийн 3, Дорнод аймгийн 2, Ховд аймгийн 2, Увс, Баян-Өлгий, Говь-Алтай аймаг тус бүрээс 1 нийт 146 багийн 1200 орчим харваач оролцож 31 жилийн түүхэн дэх хамгийн олон баг, харваач оролцсон амжилтыг тогтоолоо.
Тэмцээнд Монгол Улсын Даяар Дуурсагдах дархан мэргэн 2, Монгол Улсын Үлэмж дархан мэргэн 39, Монгол Улсын Дархан мэргэн 22, Монгол Улсын Гарамгай мэргэн 28, Монгол Улсын Харьшгүй мэргэн 11, Монгол Улсын Хошой мэргэн 26, Монгол Улсын Мэргэн 84, Аймгийн Гоц мэргэн 345 харваач оролцон өрсөлдсөнөөс багийн харвааны төрөлд:
Тэргүүн байрт Дундговь аймгийн Адаацаг сумын харьяат, аймгийн Гоц мэргэн Цогбадрахын Отгонбаяр ахлагчтай “Бүрд” баг
Дэд байрт Өмнөговь аймгийн Цогтцэций сумын харьяат, Монгол Улсын Мэргэн Чойжилийн Буянжаргал ахлагчтай “Алтанговь транс” ХХК-ий баг
Гутгаар байрт Өмнөговь аймгийн Гурвантэс сумын харьяат, аймгийн Гоц мэргэн Тогтохын Сонинбаатар ахлагчтай “Их Эрхэт Говь” ХХК-ий баг
Дөтгөөр байрт Төв аймгийн Эрдэнэсант сумын харьяат, Монгол Улсын Хошой мэргэн Рэнцэндоржийн Ганболд ахлагчтай Улаанбаатар хотын “Чингэлтэй хайрхан” баг
Шагналт 5-8 дугаар байрт Сэлэнгэ аймгийн Мандал сумын харьяат, Монгол Улсын Үлэмж дархан мэргэн, спортын мастер Түмэн-Өлзийн Гантулга ахлагчтай “Бугант нандин” ХХК-ий баг
Архангай аймгийн Хайрхан сумын харьяат, Монгол Улсын Үлэмж дархан мэргэн, спортын мастер Сундуйсүрэнгийн Ямааранз ахлагчтай АПУ ХК, Алдар спорт хорооны баг
Дорноговь аймгийн Хөвсгөл сумын харьяат, Монгол Улсын Дархан мэргэн Батбаярын Баттулга ахлагчтай “Номт даншиг” ХХК-ий баг
Өвөрхангай аймгийн Уянга сумын харьяат, аймгийн Гоц мэргэн Батаагийн Баярмагнай ахлагчтай “Сидар” ХХК-ий “Алтанзурхай” баг харваачид тус тус шилдгүүдээр шалгарав.
Хүн нэг бүрийн цуваа харвааны төрөлд:
Тэргүүн байрт Говь-Алтай аймгийн Төгрөг сумын харьяат, Монгол Улсын Мэргэн Шуубанзын Буджав шалгарч Монгол Улсын Хошой мэргэн цол
Дэд байрт Хөвсгөл аймгийн Бүрэнтогтох сумын харьяат, аймгийн Гоц мэргэн Мөнхбаярын Отгонхүү шалгарч Монгол Улсын Мэргэн цол
Гутгаар байрт Говь-Алтай аймгийн Тайшир сумын харьяат, аймгийн Гоц мэргэн Мөнхбатын Адъяабазар шалгарч Монгол Улсын Мэргэн цолны болзлыг тус тус хангав.
Дөтгөөр байрт Төв аймгийн Зуунмод сумын харьяат, аймгийн Гоц мэргэн Алтанцэцэгийн Хүдэрболд, шагналт тусгай байрт Дорноговь аймгийн Айраг сумын харьяат Монгол Улсын Дархан мэргэн Болдбаатарын Баасансүрэн, Говь-Алтай аймгийн Хөхморьт сумын харьяат, аймгийн гоц мэргэн Алтайбаатарын Батжаргал нар шалгарлаа.
Монгол Улсын Хошой мэргэн цолтон 6 – Говь-Алтай аймгийн Төгрөг сумын харьяат, Монгол Улсын Мэргэн Шуубанзын Буджав, Өмнөговь аймгийн Цогтцэций сумын харьяат Чойжилийн Буянжаргал, Өмнөговь Баян-Овоо сумын харьяат Нямдаваагийн Туяатөмөр, Өмнөговь аймгийн Манлай сумын харьяат Энэбишийн Дэмчигзав, Өмнөговь аймгийн Цогтцэций сумын харьяат Батбаатарын Өсөхбаяр, Өмнөговь аймгийн Мандал-Овоо сумын харьяат Мөнхбаярын Болор-Эрдэнэ нар,
Монгол Улсын Мэргэн цолтон 15 – Дундговь аймгийн Адаацаг сумын харьяат аймгийн Гоц мэргэн Цогбадрахын Отгонбаяр, Дундговь аймгийн Өлзийт сумын харвяат, аймгийн Гоц мэргэн Рашинхүүгийн Цэрэндорж, Дундговь аймгийн Өлзийт сумын харьяат, аймгийн Гоц мэргэн Болдын Өлзийбаяр, Дундговь аймгийн Өндөршил сумын харьяат, аймгийн Гоц мэргэн Хүрэлбаатарын Уугандорж, Дундговь аймгийн Өлзийт сумын харьяат, залуу харваач Эрдэнээгийн Мөнхбаяр, Дундговь аймгийн Дэлгэрцогт сумын харьяат, залуу харваач Товуудоржийн Данзандорж, Дундговь аймгийн Сайнцагаан сумын харьяат, залуу харваач Уяатын Өнөрбаяр, Завхан аймгийн Алдархаан сумын харьяат, аймгийн Гоц мэргэн Насанбатын Алтангэрэл, Өмнөговь аймгийн Цогт-Овоо сумын харьяат, залуу харваач Жамъяндоржийн Батбилэг, Хэнтий аймгийн Өмнөдэлгэр сумын харьяат залуу харваач Энхтуяагийн Өсөх-Ирээдүй, Өмнөговь аймгийн Гурвантэс сумын харьяат, аймгийн Гоц мэргэн Тогтохын Сонинбаатар, Өмнөговь аймгийн Номгон сумын харьяат Баяндэлгэрийн Бат-Өрнөх, Дундговь аймгийн Өндөршил сумын харьяат, аймгийн Гоц мэргэн Чулууны Мөнхбаясгалан, Хөвсгөл аймгийн Бүрэнтогтох сумын харьяат, аймгийн Гоц мэргэн Мөнхбаярын Отгонхүү, Говь-Алтай аймгийн Тайшир сумын харьяат, аймгийн Гоц мэргэн Мөнхбатын Адъяабазар нар шинээр хангасан байна.
Спортын мастер цолны болзлыг Дундговь аймгийн Баянжаргалан сумын харьяат Монгол Улсын Үлэмж дархан мэргэн Баттулгын Хашхүү биелүүлсэн амжилтыг гаргасан байна.
Энэхүү тэмцээнийг зохион байгуулахад хамтран ажилласан “Имекс корперэйшн” ХХК /Мидвэй эвент төв/, “Монголиан ньюс чанел” ХХК /MNC телевиз/-иуд, Монгол Улсын Гавьяат жүжигчин, Үндэсний Урлагийн Их Театрын уртын дуучин, МУ-ын Мэргэн Ганхуягийн Энхбаатар, Монгол Улсын Соёлын тэргүүний ажилтан, Түмэн Эх Чуулгын уртын дуучин, МУ-ын Хошой мэргэн Түмэнжаргалын Баянжаргал, Үндэсний урлагийн Домог хамтлагийн уран бүтээлчид, хөтлөгч МУ-ын Гарамгай мэргэн Батбаярын Бат-Эрдэнэ, хөтлөгч С.Отгонтуяа нар болон Үндэсний Шагайн харвааг дэмжигч нийт албан байгууллага, аж ахуйн нэгжүүддээ гүн талархал илэрхийлье.
Цагаан мөртэй спорт шагайн харвааны хийморь үргэлж өөдөө байх болтугай.