“Егүзэр хутагт Дамдин бишрэлт” сангийн нэрэмжит Үндэсний шагайн харвааны Монгол Улсын аварга шалгаруулах Ахмадын 22 дахь удаагийн тэмцээн 2023.05.06-ны өдөр Улаанбаатар хотын Буудлагын холбооны төв зааланд амжилттай зохион байгуулагдлаа. Энэ удаагийн тэмцээнд 55-аас дээш настай ахмад харваачдыг анх удаагаа оролцуулснаар оролцогч баг, харваачдын тоо нэмэгдэн нийт 30 багийн 220 гаруй харваачид оролцсон өргөн дэлгэр тэмцээн болж өндөрлөлөө.

Тэмцээний багийн харвааны төрөлд

Тэргүүн байр- Булган аймгийн Баян-Агт сум, Хялганат тосгоны харьяат, МУ-ын Харьшгүй мэргэн Г.Нинжпэрэнлэй ахлагчтай баг

Дэд байр- Хэнтий аймгийн Батноров сумын харьяат, МУ-ын Харьшгүй мэргэн Ж.Бүрнээ ахлагчтай баг

Гутгаар байр- Сэлэнгэ аймгийн харьяат МУ-ын Харьшгүй мэргэн Энхтөр ахлагчтай баг

Дөтгөөр байр- Дундговь аймгийн Адаацаг сумын харьяат МУ-ын Харьшгүй мэргэн Цогнэмэх ахлагчтай баг

Хувийн цуваа харвааны төрөлд

Тэргүүн байр- Сэлэнгэ аймгийн Шаамар сум, Дулаанхаан тосгоны харьяат МУ-ын Үлэмж дархан мэргэн, спортын мастер Ч.Батмөнх

Дэд байр- Дорноговь аймгийн Айраг сумын харьяат МУ-ын Үлэмж дархан мэргэн, спортын мастер Б.Хатанбаатар

Гутгаар байр- Төв аймгийн Баянчандмань сумын харьяат, МУ-ын Гарамгай мэргэн Төмөрбаатар

Дөтгөөр байр- Булган аймгийн Баян-Агт сумын харьяат Аймгийн гоц мэргэн Д.Галбадрах нар шалгарав.

Энэхүү тэмцээнийг жил бүр ивээн тэтгэж, хамтран зохион байгуулсаар ирсэн “Егүзэр хутагт Дамдинбишрэлт” сангийн хамт олон болон тус сангийн тэргүүн МШХХ-ны дэд ерөнхийлөгч, МУ-ын Үлэмж дархан мэргэн М.Нямаа танд нийт харваач өвлөн тээгчдийнхээ нэрийн өмнөөс гүн талархал илэрхийлье.