Завхан аймгийн Гэр бүл, хүүхэд, залуучуудын хөгжлийн газар, “Монгол өв-Шагайн харвааны асар” НҮТББ, Завхан аймгийн “Даян мэргэн” харваачдын холбооноос хамтран зохион байгуулсан “Уухайч хүүхэд” улсын анхдугаар цахим уралдаан амжилттай явагдаж дүнгээ гаргалаа. Тус уралдааныг “Монгол Шагайн харваа” видео контент /цахим хичээл/-ын үргэлжлэл болгон “Монгол Шагайн харвааны уухайн ёс, жаягийг зөвөөр заан сургах, түгээн дэлгэрүүлэх, өвлөн уламжлах” зорилгоор анхлан зохион байгуулсан болно. Та бүхэндээ уралдаанд амжилттай оролцсон өсвөрийн харваачид, өвлөн тээгчдээ танилцуулъя.

Тэргүүн байр:

Дорноговь аймгийн Сайншанд сумын ЕБ-ын V сургуулийн 11 дүгээр ангийн суралцагч, өсвөрийн харваач Отгонбаярын БАЯРСҮРЭН

Дэд байр:

Завхан аймгийн Тэс сумын ЕБС-ийн 4 дүгээр ангийн суралцагч, өсвөрийн харваач Рэнчинванжилын ОЧИРХУЯГ

Төв аймгийн Баянхангай сумын ЕБС-ийн 9 дүгээр ангийн суралцагч, өсвөрийн харваач Бадрахын БУЯНТӨГС

Гутгаар байр:

Завхан аймгийн Завханмандал сумын ЕБС-ийн 6 дугаар ангийн суралцагч, өсвөрийн харваач Мэндсайханы МӨНГӨНШАГАЙ

Дундговь аймгийн Дэрэн сумын ЕБС-ийн 5 дугаар ангийн суралцагч, “Монгол улсын Өсөх идэр мэргэн” Мөнхжаргалын МӨНГӨНШАГАЙ

Завхан аймгийн Яруу сумын ЕБС-ийн 7 дугаар ангийн суралцагч, өсвөрийн харваач Цэрэндагвын БОЛДБААТАР

Тусгай байр:

Завхан аймгийн Яруу сумын ЕБС-ийн 7 дугаар ангийн суралцагч, өсвөрийн харваач Амгаланбаатарын МЭНДБИЛЭГ

Завхан аймгийн Эрдэнэхайрхан сумын харьяат, Политехник коллежийн 1 дүгээр ангийн суралцагч, Өсвөрийн харваач Дашдэмбэрэлийн ОТГОНПҮРЭВ

Шилдэг оролцогчдын мөнгөн шагналыг битүүн /––/-ий өдөр цахимаар холбогдож гардуулах бөгөөд өргөмжлөл, дурсгалын зүйлийг цагаан сарын дараагаар шуудангаар хүргүүлэх юм байна.

Уралдаанд оролцсон өсвөрийн харваач, өвлөн тээгчдэдээ дахин баяр хүргэе.

Тэнгэрлэг наадгай “МОНГОЛ ШАГАЙН ХАРВАА”-ны өв соёл өнө мөнхөд оршиж, олон зүгтээ дэлгэрэн түгэх болтугай.