Нийслэлийн Аялал, жуулчлалын газраас санаачлан Монголын Шагайн Харвааны Холбоотой хамтран зохион байгуулсан “Уухай” Үндэсний Шагайн харвааны цахим тэмцээн 10-р сарын 17-ны Ням гарагт Монголын Үндэсний бөхийн өргөөнд амжилттай явагдаж өндөрлөлөө.

Тэмцээнийг санаачлан хамтран зохион байгуулсан Нийслэлийн Аялал, жуулчлалын газрын дарга А.Ариунгэрэлд Үндэсний шагайн харвааг цаашид хөгжүүлэх, сурталчилах ажлыг хамтран хэрэгжүүлэхийг бэлгэдэж Монголын Шагайн Харвааны Холбооны зүгээс иж бүрэн аравч, зурхайг хийлгэн Тэргүүн дэд ерөнхийлөгч Ш.Отгонбаяр гардуулан өгөв.

Тэмцээнд нийслэл, орон нутгийн 63 багийн харваачид цэц мэргэнээ сорин өрсөлдсөнөөс

Тэргүүн байр, алтан цомын эзнээр

Хэнтий аймгийн Бэрх тосгоны харваач Б.Түмэннасан ахлагчтай баг

Дэд байр, мөнгөн цомын эзнээр

Архангай аймаг, АПУ ХК, Алдар спорт хорооны МУ-ын Үлэмж дархан мэргэн, спортын мастер С.Ямааранз ахлагчтай баг

Гутгаар байр, хүрэл цомын эзнээр

Дорноговь аймаг, “Номт даншиг” ХХК-ий МУ-ын Дархан мэргэн Б.Баттулга ахлагчтай баг

Дөтгөөр байрт

Улаанбаатар хот, Чингэлтэй хайрхан МУ-ын Хошой мэргэн Р.Ганболд ахлагчтай баг

Шагналт байруудад

Дорноговь аймаг, “Үйзэн будар” ХХК-ий МУ-ын Үлэмж дархан мэргэн Я.Батсуурь ахлагчтай баг

Архангай аймаг, “Соргог хамгаалалт” ХХК-ий МУ-ын Гарамгай мэргэн Т.Базарханд ахлагчтай баг

Хөвсгөл аймаг, “Өндөрлөг бүрэг” ХХК-ий залуу харваач А.Ариунгэрэл ахлагчтай баг

Улаанбаатар хот, “Аппалуза” ХХК-ий залуу харваач Л.Эрдэнэсан ахлагчтай баг тус шалгарлаа.

Тэмцээнд амжилттай оролцсон нийт харваач, өвлөн тээгчдэдээ оноо нь мэргэн, хараа хурц, уухай нь цээл байхын өлзийтэй ерөөлийг өргөн дэвшүүлье.