Монголын Шагайн Харвааны Холбооноос жил бүр уламжлал болгон зохион байгуулдаг “ХОЛБООНЫ ЦОМ”-ын аварга шалгаруулах үндэсний шагайн харвааны тэмцээн Хавай спорт цогцолборт 12 дугаар сарын 24-ний өдөр зохион байгуулагдлаа. Тус тэмцээнд 59 багийн 400 гаруй харваачид оролцсоноос онооны мэргэн, сумны цэцээрээ онцгойрон тэргүүн байрт Дорноговь аймгийн харьяат МУҮДМэргэн, спортын мастер Б.Баттулга ахлагчтай Номт Даншиг ХХК-ий баг, дэд байрт Хэнтий аймгийн харьяат МУХМэргэн Б.Сүхболд ахлагчтай Баянмөнх сумын баг, гутгаар байрт Өмнөговь аймгийн харьяат МУХМэргэн Ч.Буянжаргал ахлагчтай Алтанговь Транс ХХК-ий баг, шагналт байрт Дорноговь аймгийн харьяат МУҮДМэргэн, спортын мастер Ш.Отгонбаяр ахлагчтай Болдтөмөр Ерөө гол ХХК-ий багууд тус тус шалгарлаа.

Монгол шагайн харваа зүг бүртээ түгэн дэлгэрэх болтугай.