Монголын шагайн харвааны тэмцээний хөтөлбөрт албан ёсоор багтдаг “Нийслэлийн отго харваа”өнгөрөгч амралтын өдөр зохион байгуулагдлаа. Энэ удаагийн тэмцээн Монгол шагайн харвааг Юнескогийн Дэлхийн биет бус соёлын өвд бүртгүүлэх ажлыг гардан зохион байгуулсан, шагайн харвааны томоохон зүтгэлтэн, Монгол улсын Соёлын Гавъяат зүтгэлтэн, МУ-ын Үлэмж дархан мэргэн Должидын Басхүү гуайн нэрэмжит болгон зохион байгуулсан. Отго харваанд 38 багийн 300 гаруй харваач цэц сорилоо. Үүнээс тэргүүн байрт МУ-ын үлэмж дархан мэргэн, спортын мастер Ш.Отгонбаяр ахлагчтай Дорноговь аймгийн “Болд Төмөр Ерөө Гол” ххк-ий баг шалгарлаа. Удаах байруудад МУ-ын Үлэмж дархан мэргэн, спортын мастер С.Ямааранз ахлагчтай “Алдар” спорт хороо “Апу” ххк-ий баг, МУын Үлэмж дархан мэргэн Ц.Энхбат ахлагчтай Төв аймгийн багууд тус тус шалгарлаа