“СОЁЛЫН БҮТЭЭЛЧ САР-2024” аяныг Соёл, Спорт, Аялал Жуулчлал, Залуучуудын Яам, Засгийн газрын хэрэгжүүлэгч агентлаг Соёл, Урлагийн Газар, Засгийн газрын тохируулагч агентлаг Биеийн Тамир, Спортын Улсын Хороо хамтран орон даяар 11 дүгээр сарын 01-ээс 30-ны хооронд зохион байгуулж байна.
Энэхүү аяны хүрээнд Монголын Шагайн Харвааны Холбооноос Их эзэн Чингис хааны мэндэлсний 862 жилийн ой “МОНГОЛ БАХАРХАЛ”-ын өдөрт зориулсан үндэсний шагайн харвааны уламжлалт тэмцээнийг зохион байгууллаа. 2024 оны 11 дүгээр сарын 16-аас 17-ны өдрүүдэд болсон тус тэмцээнд нийслэл, орон нутгийн насанд хүрэгчдийн 87, ахмадын 15 гээд 102 багийн 800 гаруй харваачид цэц мэргэнээ сорин өрсөлдсөнөөс насанд хүрэгчдийн төрөлд дараах багууд шалгарсан юм.
ТЭРГҮҮН БАЙРТ
Баянхонгор аймгийн Бууцагаан сумын харьяат аймгийн гоц мэргэн Л.Мөнхдалай ахлагчтай “Рокпэйнт групп”-ийн баг
ДЭД БАЙРТ
Өмнөговь аймгийн Ханбогд сумын харьяат Монгол улсын гарамгай мэргэн С.Бат-Эрдэнэ ахлагчтай “Галбын зам” ХХК -ий баг
ГУТГААР БАЙРТ
Дорноговь аймгийн Мандах сумын харьяат Монгол улсын үлэмж дархан мэргэн, спортын мастер Б.Наранбаатар ахлагчтай “Мөнхшижир Алт” ХХК-ний баг
ШАГНАЛТ БАЙРТ
Өвөрхангай аймгийн Өлзийт сумын харьяат Монгол улсын мэргэн Дамдиндоржийн Билгүүн ахлагчтай Сүхбаатар аймгийн “Алтан арвай” баг
Уг тэмцээний ахмадын төрөлд доорх багууд эхний байруудад шалгарлаа. Үүнд:
ТЭРГҮҮН БАЙРТ
Дундговь аймгийн харьяат Монгол улсын гарамгай мэргэн Т.Базарханд ахлагчтай Улаанбаатар хотын “Ноён Домбо” баг
ДЭД БАЙРТ
Сэлэнгэ аймгийн харьяат Монгол улсын хошой мэргэн Н.Энхтөр ахлагчтай “Бугант ЭБНЗ” ХХК -ий баг
ГУТГААР БАЙРТ
Дархан-Уул аймгийн харьяат аймгийн гоц мэргэн Ш.Гомбодорж ахлагчтай Дархан-Уул аймгийн баг
ШАГНАЛТ БАЙРТ
Өвөрхангай аймгийн харьяат Монгол улсын үлэмж дархан мэргэн, спортын мастер Б.Шинэнбат ахлагчтай “Гучин Ус” баг
ХАТАН ТЭРГЭЛ САРЫГ МӨНХ ТЭНГЭРТ АРГАМЖИН БАЙЖ
ХААН ЧИНГИСИЙН ҮР САД МОНГОЛ СОЁЛООРОО БАХАРХАВ
ХАШЛАГА СУМАА ХУРИМЛУУЛЖ, ХАСАА ЗУРХАЙГАА ЦЭНГҮҮЛЭН
ХАЛХЫН ЦУУТАЙ МЭРГЭЧҮҮД ШАГАЙН ХАРВААГААР НААДАЦГААВ