XYII жарны “ҮЗЭСГЭЛЭН БОЛГОГЧ” хэмээх усан туулай жилийн сар шинийн баярт зориулсан Монголын үндэсний МАЛЧИН телевизийн 10 жилийн ойн нэрэмжит үндэсний шагайн харвааны тэмцээн 2023 оны 2 дугаар сарын 11-нд буюу билгийн тооллын өвлийн адаг харагчин үхэр сарын цагаан хулгана өдөр ХАВАЙ спорт цогцолборт амжилттай зохион байгуулагдаж өндөрлөлөө. МШХХ-ноос 2023 оныг “ДЭЭЛТЭЙ ШАГАЙН ХАРВАА”-ны жил болгон зарласантай холбогдуулан харваач бүр дээлтэй оролцохыг уриалснаараа энэ удаагийн тэмцээн онцлог байсан төдийгүй МАЛЧИН телевиз эх орон даяар шууд дамжуулан үзүүлсэн нь тэмцээнд ирж амжаагүй үзэгч олон болон харваачдад таалагдсан үйл явдал болсон юм.

“САР ШИНИЙН ХАРВАА-2023” тэмцээний тэргүүн байрт Өмнөговь аймгийн Гурвантэс сумын харьяат МУМэргэн Т.Сонинбаатар ахлагчтай “ИХ ЭРХЭТ ГОВЬ” ХХК-ий баг, дэд байрт Хэнтий аймгийн Баянмөнх сумын харьяат МУХМэргэн Б.Сүхболд ахлагчтай Баянмөнх баг, гутгаар байрт Завхан аймгийн Алдархаан сумын харьяат МУҮДМ, МУГТээвэрчин, спортын мастер Л.Болд ахлагчтай УБТЗ баг, шагналт байрт Хэнтий аймгийн харьяат МУХМ Б.Амгаланбаяр ахлагчтай Хан Хэнтий баг тус тус шалгарчээ. Тус тэмцээнийг ивээн тэтгэж хамтран ажилласан Монголын үндэсний МАЛЧИН телевиз, Номт Даншиг ХХК, Их Эрхэт Говь ХХК, Алтанговь Транс ХХК-ий хамт олонд гүн талархал илэрхийлье.

Оноо мэргэн

Хараа хурц

Уухай өргөн байх болтугай.