Юнескогийн Хүн Төрөлхтний Соёлын биет бус өвийн жагсаалтад бүртгэгдсэн монголын үндэсний уламжлалт спорт тоглоом шагайн харвааг ерөнхий боловсролын сургуулийн сурагчдын дунд өргөн дэлгэр хөгжүүлэх, шагайн харваан уламжлалт ёс жаягийг таниулан өвлүүлэх, өсвөрийн харваачдын ур чадварыг дээшлүүлэх зорилгоор Баянзүрх дүүргийн Засаг Даргын Тамгын Газрын “Хүний хөгжлийн жил” 2023 үйл ажиллагааны төлөвлөгөө, Баянзүрх дүүргийн Соёлын ордны 2023 оны гүйцэтгэлийн төлөвлөгөөнд тусгагдсан Соёлын бүтээгдэхүүн үйлдвэрлэлийг хөгжүүлэх ажлын хүрээнд үндэсний шагайн харвааны тэмцээн зохион байгуулагдлаа. Баянзүрх дүүргийн Соёлын ордон, Монголын Шагайн Харвааны Холбоотой хамтран өсвөрийн шагайн харваачдын дунд УАШТ-ий сорилго харваа болгон анх удаа зохиогдсоноороо тус тэмцээн онцлогтой. Тэмцээний нээлтэд Баянзүрх дүүргийн Нийгмийн Хөгжлийн Хэлтсийн дарга, Баянзүрх дүүргийн Соёлын ордны дарга, МШХХ-ны удирдлага, тэргүүлэгчид хүрэлцэн ирж оролцов. Түүнчлэн тэмцээний нээлтийг МУСТА Г.Батсүх хөтөлсөн бол МУСТА дуучин Б.Алтанжаргал хүрэлцэн ирж уртын сайхан дуугаар мялаалга өргөсөн гээд, морин хуурын аялгуу, ёочингийн гоцлол бүхий урлаг соёлын оддоор бялхсан бахархууштай арга хэмжээ болсон юм. 2023.06.22-ны өдөр болсон энэхүү харваа тэмцээнд нийслэл, орон нутгийн нийт 19 багийн 141 өсвөрийн харваач цэц мэргэнээ сорин өрсөлдсөнөөс:

Тэргүүн байрт М.Сансарбуян ахлагчтай Өвөрхангай аймгийн Арвайхээр сумын Ирээдүй баг

Дэд байрт М.Давгадорж ахлагчтай  Өвөрхангай аймгийн Гучин-Ус сумын баг

Гутгаар байрт Х.Насанбат ахлагчтай Дундговь аймгийн Дэрэн сумын Чагдаржав сангийн баг

Шагналт байрт Д.Өсөхбаяр ахлагчтай Өвөрхангай аймгийн Баян-Өндөр сумын багууд тус тус шалгарлаа.

Хувийн цуваа харвааны тэмцээний 4–8 насны ангилалд

Тэргүүн байрт М.Төгсдөлгөөн Өмнөговь аймгийн Алтанговь Транс ХХК – ий харваач

Дэд байрт А.Мөнх-Өлзий Өвөрхангай аймгийн Төгрөг сумын харваач

Гутгаар байрт Б.Уужим Улаанбаатар хот, Сонгинохайрхан дүүргийн харваач

9–12 насны ангилалд

Тэргүүн байрт П.Цэрэнпунцаг Төв аймгийн Аргалант сумын харьяат, Шинэ Монгол Харүмафүжи сургуулийн харваач

Дэд байрт М.Оргил Ховд аймгийн Дуут сумын харваач

Гутгаар байрт М.Бат-Эрдэнэ Өвөрхангай аймгийн Гучин-Ус сумын харваач

13–17 насны ангилалд

Тэргүүн байрт Б.Билэгт-Од Дорноговь аймгийн Айраг сумын харваач

Дэд байрт З.Тэмүүжин Хэнтий аймгийн Биндэр сумын харваач

Гутгаар байрт Э.Энхбат Өвөрхангай аймгийн Нарийнтээл сумын харваач тус тус шалгарч шилдгүүдээр тодорсон байна.

Биет бус соёлын өвийг өвлөн тээгч, монгол харваачдын залгамж болсон нийт өсвөр үеийн харваачдадаа сайн сайхны дээдийг хүсэн ерөөе.

Үндэсний шагайн харвааг дэмжигч:

БАЯНЗҮРХ ДҮҮРГИЙН СОЁЛЫН ОРДОН